نكهة امل!!

حسّ .. السهر ضحكة .. وبسماتك مشاوير وامل
والليل نكهة .. لو يساورها الزعل .. فلّة جراح

كم قلت لك .. لا ترمي احزانك .. اذا زاد الحمل
شف نجمة العزة .. اذا عيونك سما .. هالدمع طاح

كم قلت لك .. لا ترسم النشوة .. على خدود الرمل
الموج .. يمحي لا غمر شمسك .. كتابات الصباح

كم قلت لك .. لا تزحم احساسك .. اذا الدمع انهمل
يستر على عيوب الزمن .. منديل .. ويموت الصياح

كم قلت لك .. يا قلب لا تحزن .. اذا طاح الجمل
لو تكثر طعون الغدر .. اضحك ولا يعنيك .. آآآآآح

لو تحتسب صوت الالم .. بسمة .. تراودك الجُمل
قل للخناجر .. ( لا عدمتك صفح ) .. واستل الجناح

قل للفضا .. يسعد مساء الطّين .. وانفضّ الشّمل
سافر .. وسافر .. وارمي الغربة على حدود البراح

قل لليدين المنهكة .. بالصبر .. وش معنى العمل
دام النهاية .. موجعه .. هالصبر ما ينفع .. سلاح

قل لي انا .. وش آخرة هالضيق .. ما دامك تمل
الدرب لو مليت به .. لحظة .. تخوّنك الرياح
مـــنـــقـــولـــ ..

تحياتي
زائــر...